AAH ! ZAINAB آہ! زینب

آہ! زینب۔۔۔۔۔۔مسعود بیگ تشنہ
  تیرا قصور کیا تھا اے بے قصور بچّی۔
 نھنی سی جان تھی تُو معصوم اور سچّی۔
کیوں یہ سماج اتنا وحشی بنا ہوا ہے۔
کیوں مرنے مارنے پر اتنا تلا ہوا ہے۔
نفرت کے بیج اتنے کیوں بو دیے ہیں ہم نے۔
اِنسانیت کے جذبے کیوں کھو دیے ہیں ہم نے۔
یہ ظلم یہ تشدّد یہ سوچ کافرانہ۔
کیوں بن رہے ہیں آخر شیطان کا ترانہ۔
ایمان دھرم کا اب چہرہ ہی دوسرا ہے۔
ڈرتا نہیں خُدا سے بندہ ہی اب خُدا ہے۔
دو چار اور نعرے ایمان کے لگاکر۔
سوجائینگے یہی سب غفلت کی مار کھا کر۔
اب تیرا فیصلہ تو اللہ ہی کرے گا۔
 قاتل ،پولس، حکومت سب کو یہی دھرے گا۔

(قصور ، پاکستان میں ایک بے قصور اور معصوم سات سالہ بچی کے اغواء اور بہیمانہ قتل پر تعزیتی اظہار)

Aah!Zainab.....Masood Baig Tishna
Tera qusur kya tha ai bequsur bachchi.
Nhanni si jaan thi tu maasoom aur sachchi.
KyuN ye samaaj itna wehshi bana hua hai.
KyuN marne maarne par itna tula hua hai.
Nafrat ke beej itne kyuN bo diye haiN ham ne.
Insaaniyat ke jazbe kyun kho diye haiN ham ne.
Ye zulm ye tashaddud ye soch kaafirana.
KyuN ban rahe haiN aakhir shaitaN ka tarana.
Imaan dharm ka ab chehra hi dusra hai.
Darta nahiN khuda se, banda hi ab khuda hai.
Do chaar aur naare imaan ke laga kar.
So jayeNge yehi sab ghaflat ki maar kha kar.
Ab tera faisla to Allah hi karega.
Qaatil police hukumat sab ko yehi dharega.

(Qusur, Pakistan meiN ek bequsur aur maasoom saat sala bachchi Zainab ke aghwa aur bahimana qatl par taziyati izhaar)