نئے سال کی غزل NAYE SAAL KI GHAZAL

نئے سال کی غزل : مسعود بیگ تشنہ
۔۔۔۔۔۔۔۔۔۔۔۔۔۔۔۔۔۔۔۔۔۔۔
 بدل جائیگا کیا سب کُچھ اگر یہ سال بدلے گا۔
شکاری کُچھ نہیں بدلے گا اپنا جال بدلے گا۔
نہیں ہے فکر چنداں بھی جسے خود اپنی حالت کی۔
سمجھتا ہے خُدا بیٹھے بٹھائے حال بدلے گا۔
یہ ہے بازار دُنیا کا یہ ہے اِس کا چلن۔ بابا!
نئے لیبل سے بیچیگا  پُرانا مال بدلے گا۔
بڑا شاطر ہے یہ حاکم نہیں کُچھ بولنے دیتا۔
توّجہ اصل سے بھٹکا کے قیل و قال بدلے گا۔
وہی خوں ریزیاں ، نااتفاقی ، نفرتیں ،غُربت۔
پُرانی چال سے ہٹ کر نئی کیا چال بدلے گا۔
اُسے ہے بس غرض اپنی اُسے جان اپنی پیاری ہے۔
حفاظت کے لئے اپنی کئی وہ ڈھال بدلے گا۔
وہ ہے شیطان کا ساتھی مگر یہ بھی تو مُمکن ہے۔
اُکھڑ جائے گا تمبو وہ اگر پنڈال بدلے گا۔
سیاست کی تپش برباد ہوتا یہ سکوں "تشنہ"۔
ہمیشہ کی طرح اِس بار بھی یہ سال بدلے گا۔

Naye saal ki ghazal : Masood Baig Tishna
........................
Badal jaayega kia sab kuchh agar ye saal badlega.
Shikaari kuchh nahiN badlega apna jaal badlega.
NahiN hai fikr chandaaN bhi jise khud apni haalaat ki.
Samajhta hai khuda baithe buthaae haal badlega.
Ye hai bazaar duniya ka ye hai iska chalan baba!
Naye lebel se bechega purana maal badlega.
Bada shaatir hai ye haakim nahiN kuchh bolne deta.
Tawajjoh asl se bhatka ke qiil o qaal badlega.
Wohi khooN reziyaaN, naa ittefaaqi , nafrateiN , ghurbat.
Purani chaal se hat kar naii kia chaal badlega.
Use hai bas gharaz apni use jaan apni pyari hai.
Hifaazat ke liye apni kaii wo dhaal badlega.
Wo hai shaitan ka saathi magar ye bhi to mumkin hai.
Ukhad jaayega tamboo wo agar pandaal badlega.
Siyasat ki tapish barbaad hota ye sukuN "Tishna".
Hamesha ki tarah is baar bhi ye saal badlega.