GHAZAL غزل

غزل:
ہے شہ حاکم کی منصف کی خموشی اور ڈر ابتک۔
وطن سے بے وطن ٹھہرے نہیں ہے کوئی گھر ابتک۔
زمیں غائب ندارد چھت سبھی کُچھ بے سروساماں۔
جھلستے گھر کٹی لاشیں وہی حیراں نظر ابتک۔
فلک اتنا بتا دے تُو تماشہ دیکھتا جو ہے۔
جُھکا شرمندگی سے کیا کسی انساں کا سر ابتک۔
یہی دورِ ترقّی ہے تو  لعنت اِس ترقّی پر۔
طلوع ہونے سے بچتی پھِر رہی ہے یہ سحر ابتک۔
بدل ڈالا سبھی نے دین و مذہب کے تصوّر کو۔
دھرم اِنسانیت کو ہی سمجھتا تھا بشر ابتک۔
میں سوؤں تو کھلی رہتی ہیں آنکھیں میری دہشت سے۔
نہیں ہٹتی ہے تشنہ اُن مناظر سے نظر ابتک۔
کلام : مسعود بیگ تشنہ

Ghazal :
Hai shah haakim ki munsif ki khamoshi aur dar abtak.
Watan se be-watan thaihre nahiN hai koi ghar abtak.
ZameeN ghaayab nadaarad chhat sabhi kuchh be-sar-o-saamaaN.
Jhulaste ghar kati laasheiN wohi hairaaN nazar abtak.
Falak itna bataa de tu tamasha dekhta jo hai.
Jhuka sharmindagi se kiya kisi insaaN ka sar abtak.
Yehi daur e taraqqi hai to laanat is taraqqi par.
Tulu hone se bachti phir rahi hai ye sahar abtak.
Badal daalaa hai sabhi ne deen o mazhab ke tasawwur ko.
Dharam insaaniyat ko hi samajhta to tha bashar abtak.
MaiN so'uuN to khuli rehti haiN aaNkheiN meri dehshat se.
nahiN hat'ti hai Tishna un manaazir se nazar abtak.
Kalaam : Masood Baig Tishna